Tuesday 18 December 2018
Home      All news      Contact us      English
bicolstandard - 1 month ago

6 na pulis nalugadan sa ambush sa Libmanan


NAGA CITY 11/17/18- (Bicol Standard) Anom (6) na pulis na miembros kan Police Mobile Force Company (PMFC) an nalugadan kan sinda ambuson kan dai madeterminaran na numero nin mga rebeldeng New People s Army (NPA) kasubagong hapon.
Nangyari an ambush alas 4:30 nin hapon sa Sitio Patag, Mambulo Nuevo, Libmanan, Camarines Sur.
Segun sa informasyon, an siyam (9) katawong miembros kan Camarines Sur PMFC, pinapamayohan ni PO3 Jason G. Canoto pasiring sa Libmanan proper hale sa joint medical mission.
An sponsor kan medical mission iyo an 9th IB, 9th ID kan Philippine Army asin Medical Doctors kan Bicol Medical Center.
Hale pa sana sinda sa Brgy. Bagamelon, Libmanan, Camarines Sur, na kun saen duman ginibo an misyon nin pagbulong.
Sabi kan imbestigador nagpabuag nin Improvised Explosive Devise (IED) an mga rebelde, kaya nagbalos nin putok an mga pulis.
Pirang minutos sana an nakalihis, nagdurulag na an mga rebelde pasiring sa dae madeterminaran na direksyon.
Mientrastanto, huli sa sinambit na incidente, anom (6) na pulis an nalugadan asin pigbubulong ngonian sa Mother Seton Hospital digdi.
An mga biktima iyo sinda: PO3 Roland G. Her PO1 Vladimir Gua PO1 Roy V. Car PO1 Eliseo Jomar N. Pa PO1 Daisy Bhel G asin si PO1 Mikhail Jose P. Concina.
Nagpapadagos an operasyon ngonian kan PNP asin AFP sa sinambit na lugar.Posted by http://www.bicolstandard.com

Related news

Latest News
Hashtags:   

pulis

 | 

nalugadan

 | 

ambush

 | 

Libmanan

 | 
Most Popular (6 hours)

Most Popular (24 hours)

Most Popular (a week)

Sources