Monday 17 December 2018
Home      All news      Contact us      English
bicolstandard - 11 days ago

Lorenzana, Año madalaw sa Bicol


LEGAZPI CITY (Bicol Standard)--Piglalaoman na maabot sa Bicol si Department of Interior and Local Government (DILG) Secretary Eduardo Año asin si Department of National Defense (DND) Secretary Delfin Lorenzana, tanganing discutiron sa mga lokal na lideres an dapit sa implementasyon kan Memorandun Order No 32.
An sinambit na Memorandum Order iyo an pig basehan kan dagdag na mga soldados asin pulis na ididistino sa region, bilang parte kan pinakusog na kampanya kan gobierno contra sa insurgencia asin para mantiniron an paz y order.
Segun ki Mayor Noel Rosal, an Chairman kan Bicol Region Peace and Order Council (RPOC) sa Bicol, makakatabang ini sa panahon na kaipohan na maray kan lugar an trankilong region, orog nang may nakatalaan na election sa masunod na taon.
Maroromdoman na an Bicol, kaiba an Samar asin an duwang provincias kan Negros an pinili ni Presidente Rodrigo Duterte na distinohan nin dagdag na mga soldadso asin pulis, nin huli kan seguidong pag atake kan mga rebelde.
Afuera kan halawig nang garadanan sa Masbate, Sorsogon, Albay asin Camarines Sur, si nangyaring ambush kan mga pulis sa Lupi asin pag-ambush kan mga pulis na hale sa medical mission sa Brgy. Bagamelon, Libmanan, Camarines Sur an naging mayor na rason sa pag bugtak kan Bicol sa siring na sitwasyon.
Si Secretary Año nakatalaan na magbisita sa Bicol sa fecha 17 ngonian na bulan, mantang si Secretary Lorenzana, madigdi sa Bicol sa fecha 18.
Parte ini kan paglatag kan mga dapat sunudon na reglamento sa pagdistino digdi kan dagdag na miembros kan Special Action Force (SAF) asin mga miembros kan Philippine Army.Posted by http://www.bicolstandard.com

Related news

Latest News
Hashtags:   

Lorenzana

 | 

madalaw

 | 

Bicol

 | 
Most Popular (6 hours)

Most Popular (24 hours)

Most Popular (a week)

Sources