Monday 21 September 2020
Home      All news      Contact us      English
bicolstandard - 2 month ago

Broadcaster, dating Senador Eddie Ilarde, binawian na nin buhay


MANILA (Bicol Standard) -- Si dating Senador Edgardo Eddie Ilarde, binawian na nin buhay.
Siya 85 anyos na an edad.

Nagserve man si Ilarde bilang congressman asin assemblyman sa Interim
Batasang Pambansa.

Propio na taga Ciudad kan Iriga, si Ilarde naging popular sa radyo asin sa TV nin huli kan programang Dear Kuya Eddie asin an noon time show sa TV na Student Canteen asin Alas Doce sa 13.

Naging host man siya kan programa sa TV na Kahapon Lamang asin an
Darigold Jamboree.

Antes kaini, nagi siyang newspaper boy antes na makakua nin college degree sa cursong journalism sa Far Eastern University.

An causa kan saiyang pagkagadan dai naaraman. Alagad, an saiyang mga paryentes nagsabi sa dai siya nagadan sa COVID-19.

Pigcremate an saiyang bangkay.

Enot siyang naging konsehal kan Pasay City kan decada 60 antes na maelihir na senador kan 1972 sa lindong kan Liberal Party.

Nag kandidato siyang senador sa Partido Liberal asin nanggana sa election.

Kabale siya kan mga LP candidates na binomba sa Plaza Miranda,
mientras nagkakaigwa nin rally.

An saiyang tunay na pangaran Eddie Ubalde Ilarde asin namundag kan Aug 25, 1934.Posted by http://www.bicolstandard.com


Latest News
Hashtags:   

Broadcaster

 | 

dating

 | 

Senador

 | 

Eddie

 | 

Ilarde

 | 

binawian

 | 

buhay

 | 

Sources